നായ്ക്കളിൽ നിന്ന് വ്യത്യസ്തമായി പൂച്ചകൾ പൂർണ്ണമായും മാംസാഹാരികളാണ്. അതിനാൽ അവയുടെ പ്രധാന ആഹാരം മാംസമായിരിക്കണം.
വീട്ടിൽ മൃഗങ്ങളെ വളർത്തുന്നത് ഏറെ സന്തോഷം നൽകുന്ന കാര്യമാണ്. വളർത്തുപൂച്ചകളെ ശരിയായ രീതിയിൽ പരിചരിക്കുന്നതിനായി പ്രധാനമായും ശ്രദ്ധിക്കേണ്ട കാര്യങ്ങൾ.
ദിവസവും രോമം ചീകി വൃത്തിയാക്കുക
പൂച്ചകളുടെ രോമം ദിവസവും ചീകുന്നത് അവയുടെ ദഹനവ്യവസ്ഥയിൽ മുടികൾ അടിഞ്ഞുകൂടുന്നത് തടയാൻ സാധിക്കും. പ്രത്യേകിച്ചും നീളമുള്ള രോമങ്ങളുള്ള പൂച്ചകളിൽ രോമം കെട്ടുപിണയുന്നത് തടയാൻ ഇത് സഹായിക്കും. പൂച്ചകൾ സ്വയം വൃത്തിയാകാറുണ്ടെങ്കിലും ദിവസവും ചീകി നൽകുന്നതിലൂടെ പൊഴിഞ്ഞു വീഴാറായ രോമങ്ങൾ നീക്കം ചെയ്യാൻ സാധിക്കും.
ഡ്രൈ ഫുഡ് അമിതമായി നൽകരുത്
നായ്ക്കളിൽ നിന്ന് വ്യത്യസ്തമായി പൂച്ചകൾ പൂർണ്ണമായും മാംസാഹാരികളാണ്. അതിനാൽ അവയുടെ പ്രധാന ആഹാരം മാംസമായിരിക്കണം. പൂച്ചകൾക്ക് ഡ്രൈ ഫുഡ് മാത്രം നൽകുന്നത് അമിതമായി കാർബോഹൈഡ്രേറ്റ് ഉള്ളിൽ ചെല്ലാൻ കാരണമാകും. ഇത് പൂച്ചകളിൽ അമിതവണ്ണത്തിനും ടൈപ്പ്-2 പ്രമേഹത്തിനും വഴിവെക്കുന്നു.
കുടിവെള്ളത്തിന്റെ അളവിൽ ശ്രദ്ധ വേണം
പൂച്ചകൾ നായ്ക്കളെപ്പോലെ ധാരാളം വെള്ളം കുടിക്കാറില്ല. അതിനാൽ കഴിക്കുന്ന ഭക്ഷണത്തിൽ നിന്നുതന്നെ അവയ്ക്ക് ആവശ്യമായ വെള്ളം ലഭിക്കേണ്ടതുണ്ട്.
ആവശ്യത്തിന് ലിറ്റർ ബോക്സുകൾ ഉറപ്പാക്കുക
പൂച്ചകൾക്ക് പ്രാഥമികകൃത്യങ്ങൾ നിർവ്വഹിക്കാനുള്ള ലിറ്റർ ബോക്സുകളുടെ എണ്ണത്തിൽ പ്രത്യേക ശ്രദ്ധ വേണം. ഒരു വീട്ടിലെ പൂച്ചകളുടെ എണ്ണത്തേക്കാൾ ഒന്ന് കൂടുതൽ കരുതുന്നതാണ് എപ്പോഴും നല്ലത്. ഇവ ഇരുണ്ട വീട്ടുതളങ്ങളിലോ കോണുകളിലോ വെക്കാതെ പൂച്ചകൾക്ക് സൗകര്യപ്രദമായ സ്ഥലങ്ങളിൽ സ്ഥാപിക്കാനും ശ്രദ്ധിക്കണം.
യാത്രകളിൽ സുരക്ഷിതത്വം ഉറപ്പാക്കുക
വാഹനങ്ങളിൽ യാത്ര ചെയ്യുമ്പോൾ പൂച്ചകളെ അയഞ്ഞ രീതിയിൽ സ്വതന്ത്രമായി വിടരുത്. സുരക്ഷിതമായ ടാക്സി അല്ലെങ്കിൽ ട്രാവൽ കാരിയർ ഉപയോഗിക്കുകയും പൂച്ചകളെ പേടിയില്ലാതെ അതിൽ ഇരിക്കാൻ പരിശീലിപ്പിക്കുകയും വേണം.