ആഭരണ പ്രേമികൾക്ക് ആശ്വാസം, സംസ്ഥാനത്ത് സ്വർണവില കുറഞ്ഞു, ഒറ്റയടിക്ക് കുറഞ്ഞത് 640 രൂപ

അന്താരാഷ്ട്ര വിപണിയിലെ കയറ്റിറക്കങ്ങളാണ് പ്രാദേശിക വിപണിയിലും സ്വർണവിലയെ സ്വാധീനിക്കുന്നത്

കൊച്ചി: സംസ്ഥാനത്ത് സ്വര്‍ണവില കുറഞ്ഞു. ഗ്രാമിന് 80 രൂപയും പവന് 640 രൂപയുമാണ് ഇന്ന് കുറഞ്ഞത്. അതോടെ ഒരുഗ്രാം സ്വർണത്തിന്‍റെ വില 13,490 രൂപയും പവന്‍റെ വില 1,07,920 രൂപയുമായി. അന്താരാഷ്ട്ര വിപണിയിലെ കയറ്റിറക്കങ്ങളാണ് പ്രാദേശിക വിപണിയിലും സ്വർണവിലയെ സ്വാധീനിക്കുന്നത്. അതേസമയം, സംസ്ഥാനത്ത് വെള്ളി വിലയിൽ മാറ്റമൊന്നുമില്ലാതെ വ്യാപാരം തുടരുകയാണ്. നിലവിൽ ഒരു ഗ്രാം വെള്ളിക്ക് 30 രൂപയും, 10 ഗ്രാം വെള്ളിക്ക് 2,300 രൂപയുമാണ് വിപണിയിലെ നിരക്ക്.

ഒക്ടോബർ 10, 11 തീയതികളിൽ പവന് 1,11,040 രൂപ എന്ന ഉയർന്ന നിരക്കിലായിരുന്നു വ്യാപാരം നടന്നത്. ഒക്ടോബർ 12-ന് രാവിലത്തെ നിരക്കായ 1,10,720 രൂപയിൽ നിന്ന് വൈകീട്ടോടെ വില 1,09,760 രൂപയായി കുറഞ്ഞു. തുടർന്ന് ഒക്ടോബർ 13-ന് 1,09,480 രൂപയായും, ഒക്ടോബർ 14-ന് 1,08,720 രൂപയായും വില വീണ്ടും താഴ്ന്നു. അതിനുശേഷം ഒക്ടോബർ 15, 16 തീയതികളിൽ മാറ്റമില്ലാതെ പവന് 1,08,120 രൂപയിലാണ് വ്യാപാരം നടന്നത്. ഒക്ടോബർ 17, 18 തീയതികളിൽ നിരക്ക് 1,08,280 രൂപയായി ഉയർന്നു. ഒക്ടോബർ 19-ന് വീണ്ടും വർധിച്ച് പവന് 1,08,560 രൂപയിലെത്തിയ ശേഷമാണ് ഇന്ന് (ഒക്ടോബർ 20) വില കുറഞ്ഞ് 1,07,920 രൂപയിൽ എത്തിനിൽക്കുന്നത്.